Sidama Liberation Front

header hb

Tigirette Daga Aana Fa’noni Ola Lainohuni Sidaamu Daga Wolapho Konkki (SNLF) Fushshino Xawiishsha

 November 9, 2020

Tenne yannara Abiyi Ahimmedihu massaganoti Durrimate Yorto Diimme Gaammo konni albanni

130 dirini kayise Minilikkini uurdete wolqani kaasaminoha miiccote gashshoote dunbalicho qole

abbatte, Daganna Dagoomu umonissa uminissa gashshiitano kaayo badhera qole hunaattenna

hattono Amaaru dagara baatto halashshate mixo affirino ola Tigirrete daga aana fane harissani

leelano.

Alenni xawiisate wo’nalinte gede kooni oli hassato sassu coyi iimati:

1) Ittophu dagana dagoomi umonisa uminissani gashshiitano kaayo uyiinoha bayyiridi

seera hunateti;

2) Xa noota fedderalete gashshootena qoqqowuba diige hune birre dargetenna nugusu

gashshooti gedeha uurissateti;

3) Tigirretenina ollinissara heedhano daganna dagoomi baatto woliqateni ha’re Amaaru

dagara aateti.

Konni daafira Sidaamuno tenne seeke huwatateni kaphuni gobba gatinissarati yine dudunbani

duduwini dogamme oosichosi fushshe uriddete soyanooki gede kulate konne xawiisha fushsha

hassisino. Lede kaeno Sidaamu daganna Tigirrete daga merero mitte barrigarreno noikkitana xa

yannara saiha sassu dirini hanafe inisa uurrinishsha Ittophiyu mangiste gashshiitani noikita

seekine huwata hassisano. Ikkino daafira, xaa yannara Sidaamu weddela woliqateni gaadano

gede assatena Sidaamu dagoomu hajora kaajite sharrantano Ejjeetto gidoni 60 weddela

amadde usuurate Durrimate Halicho Dimme Gaammo (ብልፅግና ቡድን) assitanino milimilo du’ne

bonkanita ikkitinota uurrinshanke SNLF seekite xawissano.

Goofimarichohono, Amaaru dagara baatto Tigirretena wolotuno olluwinisa dagoomi wayichini woliqateni

qiqishe ha’re halashshate Abiyi Ahimmedihuna Naftanyu gaammo fantino uuriddena oli gidora Sidaancho

amanna Sidaanchu anni beetosi aliiye widira reyoote sooqanoki gedenna lowo qorropho assirani uumissi

qoosora sharramani qariqarisi keeranchima agadhano gede du’ne eggenisinsanni lammu barri albanni

Sidaamu Daga Poolotiku Uurrinshuba Amaale Mini fushshino yinani sayinisi xawiishi SNLF nna Sidaamu

daga heedo riqiwanoha ikkinokita seekine eggensinseemmo.

Qelle Kadanitino Dagara Ikkito!

 November 9, 2020